एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा अहिले नेपाली राष्ट्रिय टोलीका लेग स्पिनर सन्दीप लामिछाने रहेको दिल्ली क्यापिटल्सले मुम्बई इण्डियन्ससंग प्रतिस्पर्धा गर्दैछ ।
दिल्लीस्थित फिरोज साह कोट्ला क्रिकेट मैदानमा घरेलु टोलीविरुद्ध टस जितेर मुम्बईले पहिले ब्याटिङ रोजेको छ ।
मुम्बईविरुद्ध पनि नेपालमा सन्दीप दिल्लीको प्लेईङ सेटमा अटाएका छैनन् । सन्दीप पछिल्लो २ खेलमा दिल्लीको प्लेईङ सेटमा परेका छैनन् । सन्दीपले यस सिजन ४ खेलमा ५ विकेट हात पारेका छन् ।
मुम्बईलाई हराएर दिल्ली शीर्ष स्थानको चेन्नई सुपर किङ्सविरुद्धको अंक दुरी कम गर्ने योजनामा हुनेछ । चेन्नईको १४ अंक रहेको छ ।
तेस्रो स्थानको मुम्बई दिल्लीलाई हराएर दोस्रो स्थानमा उक्लने लक्ष्यमा हुनेछ । मुम्बईले ८ खेलबाट ५ जितसहित १० अंक नै जोडेको छ ।
