एजेन्सी । दक्षिण अफ्रिकाले आईसीसी एकदिवसीय विश्वकप क्रिकेट खेल्ने राष्ट्रिय टोलीको घोषणा गरेको छ ।
दक्षिण अफ्रिकाले बिहिबार फाफ डु प्लेसिसको कप्तानीमा १५ सदस्यीय टोलीको घोषणा गरेको हो ।
टोलीमा कप्तान फाफ डु प्लेसिससंगै हसिम अमला, क्विनटन डी कक, जेपी डुमिनी, एडिन माक्राम, डेभिड मिल्लर, लुंगी नेग्दी, एन्रिच नोर्टेज र एन्डिले फेहलुकवेओ रहेका छन् । यस्तै ड्वाने प्रिट्रोउस, कागीसो राबडा, ताब्रेइज शामी, डेल स्टेन,इमरान ताहिर र भान डेर डुसेन टोलीमा अटाएका छन् ।
इंग्ल्यान्ड र वेल्समा आयोजना हुने विश्वकप आगामी मे ३० बाट सुरु हुनेछ ।
