मोरङ । नव प्रतिभा क्लब पथरी शनिश्चरे स्तरीय खुल्ला नकआउट फुटबल प्रतियोगिताको सेमिफाइनलमा प्रवेश गरेको छ ।
सुनाखरी खेल मैदान बुधबार भएको खेलमा न्यु एचसीए क्लबलाई ३-१ गोल अन्तरले पराजित गर्दै नव प्रतिभाले अन्तिम चारको यात्रा तय गरेको हो ।
नव प्रतिभाको जितमा नरेश लिम्बुले २ गोल गरे ।
प्रतियोगिता अन्तर्गत बिहिबार बुद्ध युथ क्लब र सेभेन स्टार क्लबबीच खेल हुनेछ ।
प्रतियोगितामा ८ टोलीको सहभागिता रहेको प्रतियोगिता आयोजक समितिका सचिव आशिष राईले जानकारी दिए ।
प्रतियोगिताको विजेताले २० हजार १११ सय नगद प्राप्त गर्दा दोस्रोले १० हजार १११ रुपैया पाउने छन् ।
-1734842793.webp)
