एजेन्सी । च्याम्पियन्स लिग फुटबल अन्तर्गत क्वाटरफाइनलको दोस्रो लेगमा आज (बुधबार) राति इन्ग्लिश क्लब लिभरपुल र पोर्चुगिज क्लब पोर्टोबीच प्रतिस्पर्धा हुँदैछ ।
पोर्टोको घरेलु मैदानमा हुने खेल नेपाली समय अनुसार राति १२:४५ मा सुरु हुनेछ । र, दुवै टोली सेमिफाइनलमा पुग्ने लक्ष्यसहित मैदान उत्रने छन् ।
घरेलु टोलीविरुद्ध लिभरपुल सहज स्थितिमा हुनेछ। किनकी घरेलु मैदानमा भएको पहिलो लेगको जितले लिभरपुल ढुक्क रहेको छ ।
पहिलो लेगमा लिभरपुलले २-० को जित निकालेको थियो । पोर्टोलाई उक्त अग्रता उल्टाउन भने निकै चमत्कारी प्रदर्शन गर्नु पर्ने आवश्यकता रहेको छ ।
लिभरपुल पोर्टोविरुद्ध बराबरी वा झिनो अन्तरको हारले पनि सेमिफाइनलमा पुग्ने छ । तर, लिभरपुल पोर्टोमाथि स्पष्ट जितको खोजीमा हुनेछ ।
पोर्टोलाई भने पाहुना टोलीविरुद्ध फराकिलो जित बाहक अन्य विकल्प छैन । घरेलु मैदान र घरेलु समर्थकको साथ पाएको पोर्टो पुनरागमन गर्न तयार समेत रहेको छ ।
-1734842793.webp)
