काठमाडौं । एसीसी यू-१६ पूर्वी क्षेत्रिय क्रिकेट प्रतियोगिताका लागि नेपाली यू-१६ क्रिकेट टोलीको घोषणा भएको छ ।
थाइल्याण्डमा आयोजना हुने प्रतियोगिताका लागि नेपालले बुधबार १४ सदसीय नेपाली टोलीको घोषणा गरेको हो ।
नेपालले बिशाल बिक्रम केसीको कप्तानीमा टोलीको घोषणा गरेको हो । टोलीमा चार बैकल्पिक खेलाडी समेत राखिएको छ ।
च्याम्पियनसिप अप्रिल २० देखि २८ सम्म हुनेछ । नेपाली टोली बिहिबार थाइल्याण्ड जानेछ ।
साबिकको विजेता समेत रहेको नेपालले पहिलो खेलमा म्यानमारसंग प्रतिस्पर्धा गर्नेछ । समूह 'ए' मा रहेको नेपालले म्यानमारसंग अप्रिल २० मा प्रतिस्पर्धा गर्नेछ ।
नेपालको समूहमा अन्य दुई टोली आयोजक थाइल्याण्ड र मलेसिया रहेको छ ।
साबिकको बिजेता समेत रहेको नेपालले दोस्रो खेलमा खेलमा मलेसियासंग अप्रिल २४ र अन्तिम खेलमा आयोजक थाइल्याण्ड अप्रिल २५ मा खेल्नेछ ।
३५ ओभरमा खेलाइने प्रतियोगिताको समूह 'बी' मा हङकङ, सिंगापुर, भुटान र चीन रहेको छ ।
दुई समूहमा बिभाजन गरि खेलाइने प्रतियोगिताको शीर्ष दुई टोलीले सेमिफाइनलमा स्थान बनाउने छन् ।
अघिल्लो संकरणमा नेपालले सिंगापुरलाई ७१ रानाले पराजित गर्दै उपाधि जितेको थियो ।
नेपाली टोली
बिशाल बिक्रम केसी
आशिस भट्टराई
प्रसान्त महत
अर्जुन कुमाल
दिपक बोहोरा
सुवाष ऐर
निखिल कुमार सिंह
बिशाल कुमार पटेल
कृष कार्की
तिलक राज भण्डारी
रमेश कुर्मी
रोशन दुधराज बिक
प्रसान्त सिंह
सुशान्त थापा
