काठमाडौं । आईसीसी यू-१९ एकदिवसीय विश्वकप क्रिकेटको एसिया छनोटको तेस्रो खेलमा नेपालले सोमबार आयोजक मलेसियालाई ८ विकेटले पराजित गरेको छ ।
क्वालाम्पुरस्थित बायुमास ओभलमा मलेसियाले दिएको ९३ रनको सामान्य लक्ष्य नेपालले १३ ओभरमा मात्र २ विकेट गुमाएर पुरा गर्यो ।
यसअघि टस हारेर पहिले ब्याटिङ गरेको मलेसियाले ३३ ओभर ५ बलमा अलआउट हुँदै ९२ रन बनाएको थियो ।
जितसंगै नेपालले प्रतियोगितामा दोस्रो जित निकाल्न सफल भयो । र, नेपालले विश्वकपमा छनोट हुने सम्भावना कायम राखेको छ ।
नेपालको जितमा पवन सर्राफ म्यान अफ दि म्याच चुनिए । पवन दोस्रो पटक म्यान अफ दि म्याच चुनिएका हुन् ।
नेपालको जित तस्विरमा हेर्नुहोस् :
तस्बिर : रमण सिवाकोटी
