ललितपुर । ललितपुरमा जारी ललित स्मृति अन्डर १८ फुटबल च्याम्पियनसिपमा आज क्वार्टरफाईनलमा खेल सुरु हदैछ । सातदोबाटास्थित एन्फा टेक्निल सेन्टरमा हुने खेलमा मोरङ फुटबल क्लब र च्यासल युथ क्लब तथा झापा ११ र ब्रिगेट ब्वाईजबीच प्रतिस्पर्धा हुनेछ ।
पहिलो खेलमा भिड्न लागेका मोरङ र च्यासलबीचको खेल दिउँसो १ बजे सुरु हुनेछ । मोरङ समुह बीको विजेता बन्दै अन्तिम ८ मा प्रवेश गरेको हो भने समुह सीको उपविजेताको रुपमा च्यासलले क्वार्टरफाईनलमा स्थान बनाएको हो ।
दोस्रो खेलमा भिड्न लागेको झापा र ब्रिगेट ब्वाईजबीचको खेल अपरान्ह ४ बजे सुरु हुनेछ । समुह सीको विजेताको रुपमा झापा क्वार्टरफाईनल पुगेको हो भने ब्रिगेटले समुह बीको उपविजेताको रुपमा अन्तिम ८ मा स्थान बनाएको हो ।
