एजेन्सी । स्पेनिस ला लिगा फुटबलमा दोस्रो स्थानको एट्लेटिको मड्रिडले जित निकालेको छ ।
शनिबार राति भएको खेलमा एट्लेटिकोले सेल्टा भिगोलाई २-० गोल अन्तरले पराजित गरेको हो । घरेलु मैदानमा एट्लेटिकोलाई जित दिलाउन एन्टोनियो ग्रीजम्यान र अल्भारो मोराटाले एक एक गोल गरे ।
खेलको ४२ औं मिनेटमा ग्रीजम्यानले गोल गर्दै घरेलु टोलीलाई १-० को अग्रता दिलाए । खेलको ७४ औं मिनेटमा मोराटाले गोल गर्दै एट्लेटिकोलाई २-० को जित दिलाए ।
जितसंगै एट्लेटिकोले ३२ खेलबाट ६५ अंक जोडेको छ । एट्लेटिको शीर्ष स्थानको बार्सिलोना भन्दा अझै ९ अंकले पछि छ । सेल्टा ३२ अंक जोडेर १६ औं स्थानमा छ ।
