एजेन्सी । इन्ग्लिश प्रिमियर लिग फुटबलमा टोटेनहमले जित निकालेको छ । शनिबार भएको खेलमा टोटेनहमले हडर्सफिल्ड टाउनलाई ४-० गोल अन्तरले पराजित गरेको हो ।
घरेलु मैदानमा टोटेनहमलाई जित दिलाउन लुकास मौराले ह्याट्रिक गरे । यस्तै भिक्टोर वान्यामाले एक गोल गरे ।
खेलको २४ औं मिनेटमा भिक्टोरले गोल गर्दै घरेलु टोलीलाई सुरुवाती अग्रता दिलाएका थिए । २७ औं मिनेटमा लुकासले गोल गर्दै टोटेनहमको अग्रता २-० को बनाए ।
दोस्रो हाफमा लुकासले थप दुई गोल गरे । खेलको ८७ औं मिनेटमा लुकासले व्यक्तिगत दोस्रो गोल गर्दै घरेलु टोलीलाई ३-० को अग्रता दिलाए । त्यसपछि खेलको इन्जुरी समयमा लुकासले ह्याट्रिक पुरा गर्दै टोटेनहमलाई ४-० को जित दिलाए ।
जितसंगै टोटेनहम लिगको तेस्रो स्थानमा उक्लिएको छ । टोटेनहमले ३३ खेलबाट ६७ अंक जोडेको छ । पराजित हडर्सफिल्ड १४ अंक जोडेर पुछारमा रहेको छ ।
-1734842793.webp)
