एजेन्सी । बार्सिलोनाका पुर्व मिडफिल्डर याया टोरेले लियोनल मेस्सीको प्रसंसा गरेका छन् ।
आइभोरी कोष्टका मिडफिल्डर टोरेले बार्सिलोनाका कप्तान मेस्सीको प्रसंसा गर्दै उनको तुलना अन्य खेलाडीसंग नहुने बताएका छन् ।
ओलम्पिकासका टोरेले मेस्सीसंग खेलेको अनुभव सुनाउदै उनी अन्य खेलाडी भन्दा सधै माथि रहेको बताए ।
'मेस्सी अर्कै स्तरका खेलाडी हुन् । उ सधै अरु भन्दा माथि छन्,' टोरेले भने, 'उ सधै फुटबलमा केन्द्रित हुन्छन् । उ अरु भन्दा फरक छन् । त्यहाँ उ जस्तो अरु हुने छैन ।'
अर्जेन्टिनाका मेस्सीले यस सिजन सबैखाले प्रतियोगितामा ४३ गोल गरिसकेका छन् । ला लिगामा ३३ गोल गरिसकेका मेस्सी यस सिजन गोल्डेन शुका मुख्य दाबेदार खेलाडी हुन् ।
यस्तै टोरेले हरेक खेलाडीका लागि मेस्सी उत्तम टिममेट भएको बताए ।
'मेस्सी फरक छन् र विशेष छन् । मेस्सी पर्फेक्ट टिममेट हुन् । उ संग खेल्दा सधै रमाइलो हुने गर्छ,' टोरेले भने ।
बार्सिलोनामा सन् २००७ देखि १० सम्म रहदा टोरेले मेस्सीसंग खेलेका थिए ।
-1734842793.webp)
