काठमाडौं । आईसीसी यू-१९ एकदिवसीय विश्वकप क्रिकेटका लागि मलेसियामा जारी एसिया छनोटमा नेपालले विजयी सुरुवात गरेको छ ।
शुक्रबार भएको पहिलो खेलमा सिंगापुरलाई २१७ रनको फराकिलो अन्तरले पराजित गर्दै नेपालले सुखद सुरुवात गरेको हो ।
क्वालाम्पुरस्थित सिलानगोर टर्फ क्लबको मैदानमा नेपालले दिएको २८३ रनको लक्ष्यसहित जवाफी ब्याटिङ गरेको सिंगापुर ३१ ओभरमा अलआउट हुँदै ६५ रनमा समेटियो ।
यस अघि टस हारेर पहिले ब्याटिङ गरेको नेपालले ४६ ओभरमा अलआउट हुँदै २८२ रन बनाएको थियो ।
नेपालको जितमा पवन सर्राफ म्यान अफ दि म्याच चुनिए । उनले ब्याटिङ र बलिङमा उच्च प्रदर्शन गरेका थिए ।
जितसंगै नेपालले २ अंक जोडेको छ । अब नेपालले शनिबार युएईसंग खेल्नेछ ।
नेपालको शानदार जित कस्तो ? फोटोमा हेर्नुहोस्
तस्बिर : रमण शिवाकोटी
