काठमाडौं । अष्ट्रेलियाको मेलबर्नमा आयोजना हुने भीएनसीए टी-१० क्रिकेट प्रतियोगितामा ८ टोलीले प्रतिस्पर्धा गर्ने भएका छन् ।
भिक्टोरियन नेप्लिज क्रिकेट एशोसियसन भिएनसीएको आयोजनामा हुने प्रतियोगिता बोइङ रिजर्भमा अप्रिल १३ र १४ मा हुनेछ ।
एक्सपर्ट एजुकेशन एण्ड भिषा सर्भिसेसको मुख्य प्रायोजनमा हुने प्रतियोगिताको विजेताले ३ लाख पाउने छ ।
प्रतियोगितामा एक्सपर्ट क्रिकेट क्लब, सगरमाथा ए, सगरमाथा बी, गोर्खाली क्रिकेट क्लब, द हिमालयन क्रिकेट कल्ब, रोयन राइनोज, नारे किङ्गस र ब्रिलियन्ट क्रिकेट क्लबले प्रतिस्पर्धा गर्ने भिएनसीएका अध्यक्ष एवं राष्ट्रिय क्रिकेट टोली नेपालका पूर्व खेलाडी यश्वन्त सुवेदीले जानकारी गराए ।
यसअघि एकदिवसीय र टी-ट्वान्टी प्रतियोगिता गर्दै आएको भीएसनसीले पहिलो पटक टी-१० प्रतियोगिता आयोजना गर्न लागेको हो ।
-1735306900.JPG)
