धनगढी । सर्लाहीको बाग्मतीमा सोमबारदेखि सुरु भएको राजर्षि जनक कप रनिङ शिल्ड फुटबलमा सहभागिता जनाउने सुदुरपश्चिम–११ स्पोर्टस क्लबका टोलीलाई विदाई गरिएको छ ।
साविक विजेता समेत रहेको सुदुरपश्चिम–११ टोलीलाई मंगलबार धनगढीमा विदाई गरिएको हो । गजेन्द्र शाहीको कप्तानीमा रहेको १८ सदस्यीय टोलीको धनगढी उपमहानगरपालिकाका मेयर नृपवहादुर ओडले विदाई गरेका थिए ।
सुदुरपश्चिम–११ स्पोर्टस क्लबले आफ्नो पहिलो खेल चैत २८ गते गते खेल्नेछ । सुदुरपश्चिम ११ गत बर्ष राजर्षि जनक कप रनिङ शिल्ड फुटबल प्रतियोगिताको च्याम्पीयन बनेको थियो ।
प्रतियोगिताको विजेताले १० लाख र उपविजेताले ५ लाख पुरस्कार पाउने छन् ।
