एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा आज (मंगलबार) एक खेल हुँदैछ ।
चेन्नईमा हुने खेलमा घरेलु टोली चेन्नई सुपर किङ्स र कोलकत्ता नाइट राइडर्सबीच खेल हुनेछ । चेन्नई र कोलकत्ताबीचको खेल बेलुका ८:१५ मा सुरु हुनेछ ।
एम चिदामबराम क्रिकेट स्टेडियममा दुवै टोली जित निकाल्ने लक्ष्यसहित मैदान उत्रने छन् । दुवै टोली पाँचौ जित निकाल्दै शीर्ष स्थान ओगट्ने लक्ष्यमा हुनेछ ।
यस सिजन उत्कृष्ट खेलिरहेको चेन्नई ५ खेलमा ४ जितसहित ८ अंक जोडेर लिगको दोस्रो स्थानमा रहेको छ ।
यस्तै कोलकत्ता ५ खेलमा ४ जितसहित ८ अंक जोडेर लिगको शीर्ष स्थानमा छ । त्यसैले दुवै टोली जित निकाल्दै शीर्ष स्थान ओगट्न चाहन्छ ।
चेन्नई र कोलकत्ताबीचको पछिल्लो पाँच खेलमा चेन्नई बलियो देखिएको छ । चेन्नईले ३ खेलमा जित निकाल्दा कोलकत्ताले २ खेल जितेको छ ।
-1735306900.JPG)
