एजेन्सी । ईङलिस प्रिमियर लिग फुटबलमा लण्डन क्लब चेल्सीले जित हासिल गरेको छ । सोमबार राति भएको खेलमा चेल्सीले वेस्ट ह्यामलाई २–० गोल अन्तरले हराएको हो ।
चेल्सीको घरेलु मैदान स्टामफोर्ड ब्रिजमा भएको खेलमा चेल्सीलाई जित दिलाउन ईडेन हजार्डले दुवै गोल गरे ।
२४ औ मिनेटमा गोल गर्दै घरेलु टोलीलाई अग्रता दिलाएका हजार्डले ९० औ मिनेटमा व्यक्तिगत दोस्रो गोल गर्दै क्लबको जित सुनिश्चित गरे ।
जितसंगै चेल्सी तालिकाको तेस्रो स्थानमा उक्लिएको छ । र अर्को सिजन च्याम्पियन्स लिग खेल्ने दौडमा आफुलाई बलियो बनाएको छ ।
वेस्ट ह्याम ४२ अंक सहित तालिकाको ११ औ स्थानमा छ ।
पछिल्लो समय स्पेनिस क्लब रियल मड्रिडसंग जोडिएका हजार्डको उच्चतम प्रर्दशनमा लण्डन क्लबले महत्वपुर्ण जित हासिल गर्न सफल भएको हो ।
