एजेन्सी । इन्ग्लिश प्रिमियर लिग फुटबलमा सोमबार एक खेल हुँदैछ । सोमबार हुने एक मात्र खेलमा चेल्सी र वेष्ट ह्याम यूनाईटेडले प्रतिस्पर्धा गर्ने छन् ।
चेल्सीको मैदान स्टामफोर्ड ब्रिजमा हुने खेल राति १२:४५ मा सुरु हुनेछ । र, दुवै टोली जित निकाल्ने लक्ष्यसहित मैदान उत्रने छन् ।
घरेलु मैदानमा चेल्सी वेष्ट ह्यामलाई पाखा लिगको लगाउँदै शीर्ष तीनमा पुग्न चाहन्छ । पाँचौं स्थानको चेल्सीको ३२ खेलबाट ६३ अंक छ । वेष्ट ह्यामलाई हराए चेल्सी टोटेनहम र आर्सनललाई पछि पार्दै तेस्रो स्थानमा उक्लने छ ।
तेस्रो स्थानको टोटेनहमको ६४ अंक रहदा चौंथो स्थानको आर्सनलको ६३ अंक छ । वेष्ट ह्यामलाई पराजित गरे चेल्सीले टोटेनहमलाई २ र आर्सनललाई १ अंकले पछि बनाउने छ ।
यता, पाहुना टोली वेष्ट ह्याम चेल्सीलाई उसैको मैदानमा हराएर शीर्ष १० भित्रको होड बलियो बनाउने लक्ष्यसहित मैदान उत्रने छ ।
तर, घरेलु टोलीविरुद्ध वेष्ट ह्यामलाई जित निकाल्न कठिन हुनेछ । वेष्ट ह्याम ३२ खेलबाट ४२ अंक जोडेर लिगको ११ औं स्थानमा रहेको छ ।
