एजेन्सी । अर्जेन्टिनाका डिफेन्सिभ मिडफिल्डर जाभियर मास्चिरानोले अन्तर्राष्ट्रिय फुटबलबाट सन्यास घोषणा गरेका छन् । अर्जेन्टिना रुसमा जारी विश्वकप फुटबलको प्रि क्वाटरफाइनलबाट बाहिरीए लगत्तै उनले सन्यास घोषणा गरेका हुन् ।
कजान स्टेडियममा भएको खेलमा अर्जेन्टिना फ्रान्ससंग ४ - ३ ले पराजित हुँदै विश्वकपबाट बाहिरिएका थिए । उक्त खेलमा मास्चिरानोले पुरै समय मैदानमा बिताएका थिए । खेलपछि उनले सन्यास घोषणा गरेको इएपीएन एफसी डटकमले समचार लेखेको छ ।
३४ बर्षीय मास्चिरानोले अर्जेन्टिनाका लागि १४७ खेल खेल्दै सन्यास घोषणा गरेका हुन् । बार्सिलोनाका पूर्व मिडफिल्डर मास्चिरानो चीनमा हिबेई चाइना फोर्च्युनबाट खेल्ने गर्छन ।
