एजेन्सी । म्यानचेस्टर सिटीका मुख्य प्रशिक्षक पेप ग्वार्डिओलाले लिभरपुलको जितले उपाधि जित्न क्लबका खेलाडीलाई केहि मानसिक असर नगर्ने बताएका छन् ।
लिग अन्तर्गत शनिबार लिभरपुलले साउथह्याम्पटनलाई ३-१ गोल अन्तरले पराजित गरेको थियो । जितसंगै लिभरपुल लिगको शीर्ष स्थानमा उक्लिएको थियो ।
सिटी भने लिभरपुलसंग २ अंकले पछि पर्दै दोस्रो स्थानमा झरेको थियो । तर, प्रशिक्षक ग्वार्डिओलाले लिभरपुलको उक्त जितले खेलाडीमा मानसिक प्रभाव सुन्य रहेको बताए ।
'मेरो विचारमा उनीहरुको लागि यो उत्कृष्ट हो तर हाम्रो लागि शुन्य हो । मलाई थाहा छ लिभरपुल सबै खेल जित्नका लागि अघि बढीरहेको छ,’ प्रशिक्षक ग्वार्डिओलाले भने, ‘यदि हामी च्याम्पियन हुन्छौ भने हामीले सम्पूर्ण खेल जित्नु पर्छ ।’
लिगमा लिभरपुलको ३३ खेलबाट ८२ अंक छ । एक खेल कम खेलेको सिटीको ८० अंक छ ।
