एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा दिल्ली क्यापिटल्सले अहिले रोयल च्यालेन्जर्स बैंगलोरसंग प्रतिस्पर्धा गरिरहेको छ ।
एम चिन्नास्वामी क्रिकेट स्टेडियममा नेपाली राष्ट्रिय टोलीका लेग स्पिनर सन्दीप लामिछाने रहेको दिल्लीले बैंगलोरविरुद्ध बलिङ गरिरहेको छ ।
बैंगलोरविरुद्ध बलिङ गरिरहेका सन्दीप अन्तिम ओभरमा महंगा साबित भएका छन् । सन्दीपले अन्तिम ओभरमा १९ रन खर्चिए । सन्दीपको बलमा विराट कोहलीले दुई छक्का प्रहार गरे ।
योसंगै सन्दीपले बैंगलोरविरुद्ध १ विकेट लिएर ४६ रन खर्चिए ।
सन्दीपले पहिलो ओभरमा १० रन खर्चिएका थिए । यस्तै दोस्रो ओभरमा ६ रन खर्चिएका सन्दीपले तेस्रो ओभरमा १ विकेटसहित ११ रन खर्चिएका थिए ।
सन्दीपले जारी सिजन ४ खेलमा ५ विकेट लिन सफल भएका छन् ।
-1735306900.JPG)
