एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा मुम्बई इण्डियन्सले सनराइजर्स हैदरावादलाई जितका लागि १३७ रनको लक्ष्य दिएको छ ।
राजिब गान्धी क्रिकेट स्टेडियममा टस हारेर पहिले ब्याटिङ गरेको मुम्बईले २० ओभरमा ७ विकेट गुमाएर १३६ रन बनायो ।
मुम्बईका लागि केइरन पोलार्डले अविजित ४६ रन बनाए । यस्तै क्विन्टन डी ककले १९ रन जोड्दा इशान किशनले १७ तथा हार्दिक पाण्डयले १४ रन बनाए । कप्तान रोहित शर्मा ११ रनमा आउट भए ।
हैदरावादका सिद्दार्थ काउलले २ विकेट लिए ।
घरेलु मैदानमा हैदरावाद चौंथो जितको खोजीमा हुनेछ । हैदरावादले ४ खेलमा ३ जित र १ हारसहित ६ अंक जोडेको छ ।
यता, मुम्बई तेस्रो जितको खोजीमा हुनेछ । मुम्बई ४ खेलमा २ जित र २ हारसहित ४ अंक जोडेर छैटौं स्थानमा छ ।
-1735306900.JPG)
