एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा कमेन्टेटरलाई ज्यान मार्ने धम्की आएको छ ।
आईपीएलमा कमेन्टेटर गरिरहेका न्युजिल्याण्डका पुर्व खेलाडी समेत रहेका सिमोन डाैललाई ज्यान मार्ने धम्की आएको हो ।कमेन्टेटर डाैललाई रोयल च्यालेन्जर्स बैंगलोरका समर्थकले मार्ने धम्की दिएको अन्तराष्ट्रिय समचार संस्थाहरुले जनाएको छ ।
आईपीएलमा बैंगलोरले लगातार खराब प्रदर्शन गरिरहेको समय समर्थकले कमेन्टेटर डाैललाई मार्ने धम्की दिएको हो ।
कमेन्टेटर डाैललाई बैंगलोरका एक समर्थक धर्निश मुर्तिले ट्वीटरबाट क्लबबारे धेरै नबोल्न लेखेका छन् । यस्तै समर्थक धर्निशले क्लबबारे धेरै बोले ज्यान जान सक्छ भन्दै चेतावनी दिएका छन् ।
बैंगलोरले जारी सिजनको पाँच खेलमा अंक जोड्न सकेको छैन् । पाँच खेल गुमाएको बैंगलोर लिगको पुछारमा रहेको छ ।जसको कारण बैंगलोरका समर्थकहरुले सामाजिक संजालमा आक्रोस पोखिरहेका छन् ।
डाैलले भने ट्वीटरबाटै बैंगलोरका समर्थकलाई अब निराश नहुन आग्रह गरेका छन् । यस्तै उनले समर्थहरु के कुराले आफुसंग आक्रोशित भएको हो भन्ने कुरामा आफु अनविज्ञ भएको बताएछन् ।
-1735306900.JPG)
