एजेन्सी । म्यानचेस्टर सिटीका मुख्य प्रशिक्षक पेप गार्डिओलाले प्रिमियर लिगको उपाधि जित्न अब क्लबले कुनै पनि अंक नगुमाउने बताएका छन् ।
कार्डिफविरुद्धको खेलमा जित निकाल्दै शीर्ष स्थानमा फर्किएपछि प्रशिक्षक गार्डिओलाले उपाधि जित्न सिटीले अबको सबै खेल जित्ने बताए । बुधबार राति भएको खेलमा सिटीले कार्डिफलाई २–० गोल अन्तरले पराजित गरेको थियो ।
‘हामीलाई महसुस भएको छ कि हामीले अंकहरु गुमायौं भने हामी च्याम्पियन बन्न सक्दैनौ,’ प्रशिक्षक गार्डिओलाले भने ।
लिगमा अब ६ खेल बाँकी रहेको छ । ६ खेल बाँकी रहदा लिग लिडर सिटीले दोस्रो स्थानको लिभरपुललाई मात्र १ अंकले पछि बनाएको छ ।
यस्तै प्रशिक्षक गार्डिओलाले कमजोर टोलीसंग कम गोल निस्किएकोमा चिन्ता व्यक्त गरे । गार्डिओलाले अबको खेलमा त्यसलाई सुधार गर्नु पर्ने बताए ।
‘तपाईहरुले यो कुरालाई कसरी लेख्नुहुन्छ मलाई थाहा छैन तर कार्डिफसँगको खेल जित्न सजिलो थियो,’ प्रशिक्षक गार्डिओलाले थपे, 'मलाई आश्चर्य लाग्यो । हामीले केहि मात्र गोल गर्यौं । अब हामीले धेरै गोल गर्नु पर्नेछ । ताकी हामीलाई अफसोच नहोस् ।’
-1734842793.webp)
