एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा दिल्ली क्यापिटल्स र सनराइजर्स हैदरावादबीच खेल भईरहेको छ ।
फिरोज कोट्ला स्टेडियममा दिल्लीले दिएको १३० रनको लक्ष्यसहित हैदरावादले जवाफी ब्याटिङ गरिरहेको छ । र, दिल्लीमा रहेका नेपाली लेग स्पिनर सन्दीप लामिछानेले दिल्लीबाट ओपनिङ बलिङ गरेका छन् ।
पहिलो पटक दिल्लीबाट पहिलो ओभरको बलिङ गर्न पाएका सन्दीपले उत्कृष्ट बलिङ गरेका छन् । सन्दीपले पहिलो ओभरमा ६ रन खर्चिएका छन् ।
यसअघि टस हारेर ब्याटिङ गरेको दिल्लीले २० ओभरमा ८ विकेट गुमाएर १२९ रन बनाएको थियो ।
-1735306900.JPG)
