एजेन्सी । भारतीय क्रिकेट टिमले टेष्ट च्याम्पियनसिपको उपाधि उचालेको छ । उसले लगातार तेस्रो पटक सो उपाधि उचालेको हो । उपाधिसंगै उसले एक मिलियन अमेरिकी डलर प्राप्त गर्नेछ ।
विराट कोहली नेतृत्वको भारतले बर्षको सुरुवातीमा अष्ट्रेलियामा कीर्तिमानी पहिलो टेस्ट सिरिज उचालको थियो । उसले १ सय १६ अंक जोड्यो । उसले दोस्रो स्थानको न्युजिल्याण्डलाई ८ अंकले पछाडी पार्न सफल रह्यो ।
दक्षिण अफ्रिका तेस्रो, अष्ट्रेलिया चौथा र ईङ्ल्याण्ड पाँचौ स्थानमा रहे ।
भारतीय कप्तान विराट कोहलीले भने, ‘आईसीसी टेष्ट च्याम्पियनसिपमा फेरी एक पटक जित हासिल गर्दा आफुहरुलाई गर्वको महशुश भएको छ ।’
‘हाम्रो टिमले यस ढाँचामा राम्रो प्रर्दशन गरिरहेको छ । यसले हामीलाई शीर्ष स्थानमा पुग्दा खुसी लाग्छ । हामी सबैलाई टेष्ट क्रिकेटको महत्व थाहा छ ।’ उनले थपे ‘हाम्रो टिम निकै गहिराईमा छ । र मलाई लाग्छ यस बर्षको अन्तिममा आईसीसी विश्व टेष्ट च्याम्पियनसिप पछाडी एक पटक फेरी राम्रो प्रर्दशनमा हामी उत्रनेछौ ।’
