एजेन्सी । ईङ्लिस प्रिमियर लिग फुटबलमा आर्सनल तेस्रो स्थानमा उक्लिएको छ । सोमबार राति भएको खेलमा न्युक्यासल युनाईटेडलाई २–० गोल अन्तरले पराजित गर्दै लण्डन क्लब तालिकाको शीर्ष तीन भित्र अटाउन सफल भएको हो ।
आरोन राम्सीले ३० औ मिनेटमा गोल गर्दै लण्डन क्लबलाई अग्रता दिलाएका थिए । ८३ औ मिनेटमा एलेक्सान्ड्रे लाकाजेट्टीले गोल गर्दै आर्सनलको अग्रतालाई दोब्बर बनाएका थिए ।
गत फेब्रुअरीमा आर्सनल क्लब टोटेनहम भन्दा १० अंकले पछाडी थियो । तर पछिल्लो नतिजाले उसले चौथो स्थानको टोटेनहम र पाँचौ स्थानको म्यानचेष्टर युनाईटेडसंग २ अंकको अग्रता लिन सफल भएको छ ।
लिगमा सात चरणका खेल हुन बाँकी छ । आर्सनलले ३१ खेलबाट ६३ अंक जाडेको छ । टोटेनहमको ६१ अंंक छ । न्यु क्यासल ३५ अंक सहित तालिकाको १३ औ स्थानमा छ ।
आर्सनलको जितले शीर्ष चार भित्र रहदै अर्को सिजन च्याम्पियन्स लिग खेल्ने टोलीको संघर्षलाई थप रोमाञ्चक बनाई दिएको छ ।
-1734879364.jpg)
-1734875597.jpg)
