धनगढी । कैलालीको गोदावरीमा नयाँ बर्षको अवसर पारेर भेट्रान पेनाल्टी सुटआउट फुटबल प्रतियोगिता हुने भएको छ ।
माउण्ट एभरेष्ट युवा क्लबको आयोजनामा गोदावरी नगरपालिका वडा नम्बर ३ स्थित मालाखेतीमा चैत २८ गतेदेखि भेट्रान पेनाल्टी सुटआउट हुन लागेको हो ।
पेनाल्टी सुटआउटमा ३० बर्ष पुरा भएकाहरुले मात्रै सहभागीता जनाउन पाउने आयोजक क्लबका प्रतियोगिता संयोजक छत्रराज रोकायाले जानकारी दिए ।
भेट्रान पेनाल्टी सुटआउटको विजेताले ३१ हजार १ सय ११ तथा उपविजेताले १५ हजार १ सय ११ नगद सहित ट्रफी र प्रमाणपत्र पाउनेछन् ।
चौकीडाँडा सामुदायिक वन नजिकैको खेल मैदानमा हुने पेनाल्टी सुटआउटका लागि आयोजकले टीमहरुलाई सहभागीताका लागि अनुरोध गरेको छ ।
सहभागी टीमहरुको आधारमा खेल तालिका सार्वजनिक गरेर चैत २८ गतेदेखि खेल सुरु गरिने आयोजक माउण्ट एभरेष्ट क्लबले जनाएको छ ।
-1734879364.jpg)
-1734875597.jpg)
