काठमाडौं । नेपाली राष्ट्रिय फुटबल टोलीका गोलकिपर किरण चेम्जोङको टिम टिसि स्पोर्टस क्लबले माल्दिभ्समा जारी धिवेही प्रिमियर लिगमा विजयी सुरुवात गरेका छन् ।
माल्दिभ्सको उच्च श्रेणीको लिग धिवेही प्रिमियर लिगको पहिलो खेलमा टिसीले शुक्रबार राति निलान्डो फुटबल क्लबलाई ६ - १ गोल अन्तरले पराजित गरेको हो । टिसीलाई जित दिलाउन अली अस्फाक र इब्राहिम वाहिदले दुई-दुई गोल गरे । अस्फाक यसै सिजन क्लब भित्रिएका हुन् । यस्तै इशान इब्राहिम र इब्राहिम मौदेले एक-एक गोल गरे । टिसीले एक गोल आत्मघाती गोल बेहोरेको थियो ।
टिसीको जितमा किरणले उत्कृष्ट प्रदर्शन गरेका थिए । निलान्डो टोलीको उत्कृष्ट आक्रमणहरु किरणले बचाएका थिए । किरण अघिल्लो सिजन पनि यसै क्लबबाट खेलेका थिए ।
