एजेन्सी । बार्सिलोनाका स्टार खेलाडी जेरार्ड पिकेले ला लिगा क्लब स्प्यानियोल भन्दा आफुसंग धेरै सम्पति रहेको बताएका छन् । ला लिगा अन्तर्गत भोली (शनिबार) बार्सिलोनाले स्यानियोलसंग खेल्दैछ ।
खेल बार्सिलोनाको घरेलु मैदानमा हुनेछ । खेलको पुर्व सन्ध्यामा जेरार्डले यस्तो बताएका हुन् ।
सात पटक ला लिगा र तीन पटक च्याम्पियन्स लिगको उपाधि जितेका पीकेले भने, ’स्प्यानियोलको बर्षको बजेट भन्दा मसंग धेरै पैसा छ । ५७ मिलियन युरो मात्र हैन, त्यो भन्दा अझ धेरै छ ।’
स्पेनिस डिफेन्डर पिकेले आफ्ना पुर्व सहकर्मी ज्लाटन ईब्राहिमोभिचले अरु भन्दा धेरै पैसाको माया गर्ने रहस्य खोलेका छन् ।
सिरि ए क्लब जानु अघि ज्लाटनले लोनमा एक सिजन बार्सिलोनाबाट खेलेका थिए ।
ज्लाटनको कुरा गर्दै पिकेले भने, ‘यस पृथ्वीमा सबै भन्दा धेरै पैसालाई माया गर्ने ज्लाटन हुन् । एक दिन उसले हामीलाई पैसानै सबै भन्दा ठुलो कुरा रहेको बताएका थिए । मलाई पनि आफुसंग प्रशस्त पैसा हुनु जरुरी जस्तो लाग्छ ।’
-1734879364.jpg)
-1734875597.jpg)
