काठमाडौं । नेपाली राष्ट्रिय टोलीका लेग स्पिनर सन्दीप लामिछाने क्यानेडीयन लिग खेल्न त्यसतर्फ प्रस्थान गरेका छन् । क्यानाडामा हुने ग्लोबल टी-२० क्रिकेट लिग खेल्न सन्दीप भारतको नयाँ दिल्ली हुँदै क्यानडा गएका हुन् ।
भारतम सम्पन्न इन्डियन प्रिमियर लिग (आईपीएल) लिग खेलेका सन्दीपले मोन्ट्रेल टाइगर्सबाट खेल्ने छन् । तर, सन्दीपले प्राविधिक समस्याका कारण पहिलो खेल भने गुमाउने भएका छन् । दोस्रो खेलबाट सन्दीप खेलमा उपलब्ध हुने छन् ।
सन्दीपको टोलीले पहिलो खेल आज खेल्दै छ । यो लिगको लागि छैटौं चरणमा छानिएका सन्दीपले यो क्लबबाट विश्व स्तरीय खेलाडीसंग खेल्ने छन् । सन्दीपले वेष्ट इण्डिजका क्रिस गेल, सुनिल नारिने, श्रीलंकाका लाथिस मालिंगा र थिसरा परेरा, पाकिस्तानका मोहम्मद हाफिज र अष्ट्रेलियाका स्टिभ स्मिथ जस्ता खेलाडी रहेको टोलीबाट खेल्ने छन् ।
दिल्ली डेयरडेभिल्सबाट आईपीएल खेलेका सन्दीप क्यानाडाको लिगपछि आगामी अगस्टमा क्यारेवियन प्रिमियर लिग (सीपीएल) खेल्नेछन् ।
खेल तालिका !
