ललितपुर । ललित स्मृति अन्डर १८ फुटबल च्याम्पियनसिपमा च्यासल युथ क्लब क्वार्टरफाइनल प्रवेश गरेको छ । सातदोबाटोस्थित एन्फा टेक्निकल सेन्टरमा आज भएको पहिलो खेलमा च्यासल युथ क्लबले संकटा क्लबलाई ३–० गोल अन्तरले पराजित गरेको हो ।
एक पक्षिय खेलमा च्यासल युथ क्लबकालागि शेषभ तामाङले ब्यक्तिगत दुई गोल गरे । खेलमा अग्रता च्यासलले खेलको ९ औ मिनेटमा अनिष कार्कीको गोलमार्फत लिएको थियो । ३९ औ मिनेटमा शेषभ तामाङले गोल गर्दै च्यासललाई पहिलो हाफमा २–० को अग्रता दिलाए ।
खेलको ५० औँ मिनेटमा शेषभले आफ्नो ब्यक्तिगत दोस्रो गोल गर्दै च्यासलको जित सुनिश्चित गरे । खेलको म्यान अफ दि म्याच च्यासल युथका सुरज चित्रकार घोषित भए । यस खेलसँगै समुह सीबाट क्वाटरफाइनल पुग्ने टिमको टुङ्गो लागेको छ ।
रमपम झापा ११ तालिकामा ६ अंक जोड्दै एक खेल अगावै प्रतियोगिताको क्वार्टरफाईनल प्रवेश गरिसकेको थियो । समान अंक जोड्दै च्यासल समेत अन्तिम ८ मा प्रवेश गरेको छ ।
विभागीय टिम एपीएफ र च्यासल प्रतियोगिताको समुह चरणबाटै बाहिरिएका छन् ।
