काठमाडौं । ललित स्मृति अन्डर १८ फुटबल च्याम्पियनसिपको सम्पुर्ण तयारी पुरा भएको छ । अखिल नेपाल फुटबल संघ एन्फाले आज पत्रकार सम्मेलन गर्दै प्रतियोगिताको सम्पुर्ण तयारी पुरा भएको जानकारी दिएको छ ।
एन्फाका कार्यवहाक अध्यक्ष ललितकृण्ण श्रेष्ठको स्मृतिमा आयोजना हुदै आएको प्रतियोगिताको तेस्रो संस्करण पर्सी मंगलबार सूरु हुदैछ । जेष्ठ २९ गतेबाट सुरु हुने प्रतियोगिता असार २१ गते सम्म चल्नेछ ।
प्रतियोगितामा राजधानीका ए डिभिजन क्लबसंगै जिल्ला क्लबहरुले समेत सहभागिता जनाउनेछन् । सहभागि विभिन्न १८ टिमलाई ४ समुहमा विभाजन गरेर प्रतियोगिता खेलाईनेछ ।
प्रतियोगिताको विजेताले तीन लाख र उपविजेताले १ लाख ५० हजार रुपैयाँ पुरस्कार प्राप्त गर्नेछ ।
