एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा सोमबार एक खेल हुँदैछ । सोमबार राजेस्थान रोयल्स र किङ्स इलाभेन पन्जाबबीच खेल हुनेछ ।
जयपुरमा हुने राजेस्थान र पन्जाबबीचको खेल नेपाली समय अनुसार राति ८:१५ मा सुरु हुनेछ । र, दुवै टोली सुखद सुरुवात गर्ने लक्ष्यसहित मैदान उत्रने छन् ।
राजेस्थान रोयल्स अजिंका रहानेको कप्तानीमा मैदान उत्रनेछन् । राजेस्थानलाई स्टिभ स्मिथ, जोस बटलर, बेन स्टोक्स, स्टुवार्ड बिनी जस्ता खेलाडीको साथ हुनेछ ।
पन्जाब रविचन्द्र आश्विनको कप्तानीमा मैदान उतार्ने छन् । पन्जाबमा क्रिस गेल, मायांक अग्रवाल, डेभिड मिल्नर, मोहमद सामी, लोकेश राहुल लगायतका खेलाडी रहेका छन् ।
पछिल्लो पाँच खेलको नतिजा हेर्दा दुई टोलीबीचको खेल प्रतिस्पर्धात्मक हुने देखिन्छ । पछिल्लो पाँच खेलमा पन्जाबले ३ खेलमा जित र २ हार व्यहोरेको छ । राजेस्थानले २ खेलमा जित निकाल्दा ३ खेल गुमाएको छ ।
