एजेन्सी । विश्वकप उपविजेता क्रोएसिया युरोकप छनोटको पहिलो खेलमा पराजित भएको छ । आइतबार राति भएको खेलमा क्रोएसिया हंगेरीसंग २-१ गोल अन्तरले पराजित भएको हो ।
घरेलु मैदानमा क्रोएसियाविरुद्ध हंगेरीले सुरुवाती अग्रता उल्टाएर जित निकालेको हो । हंगेरीको जितमा आदम स्जलाई र मेट पट्काईले एक एक गोल गरे । क्रोएसियाका एन्टी रेबिकले एक गोल गरे ।
खेलमा सुरुवाती अग्रता क्रोएसियाले बनाएको थियो । खेलको १३ औं मिनेटमा रेबिकले गोल गर्दै क्रोएसियालाई अग्रता दिलाए ।तर, खेलको ३४ औं मिनेटमा स्जलाईले गोल गर्दै हंगेरीलाई खेलमा फर्काए । त्यसपछि खेलको ७६ औं मिनेटमा पट्काईले गोल गर्दै हंगेरीलाई २-१ को जित दिलाए ।
जितसंगै समूह 'इ' को हंगेरीले खेलबाट ३ अंक जोडेको छ । हंगेरी तालिकाको तेस्रो स्थानमा रहेको छ । यस्तै २ खेलबाट ३ अंक जोडेको क्रोएसिया चौथो स्थानमा छ ।
अर्को खेलमा वेल्सले स्लोभाकियालाई १-० गोल अन्तरले पराजित गरेको छ । वेल्सलाई जित दिलाउन ड्यानियल जेम्सले निर्णायक गोल गरे ।
जितसंगै एक खेलबाट ३ अंक जोडेको वेल्स दोस्रो स्थानमा छ । स्लोभाकिया २ खेलबाट ३ अंक जोडेर शीर्ष स्थानमा छ ।
-1734919437.jpg)
-1734918317.jpg)
