कतारविरुद्ध सुरुवाती ११, हेमन्तको स्थानमा नितिन

कतारविरुद्ध सुरुवाती ११, हेमन्तको स्थानमा नितिन एएफसी यू-२३ च्याम्पियनसिप छनोट

सोमबार, चैत ११, २०७५ खेलपाटी संवाददाता

काठमाडौं । एएफसी यू-२३ च्याम्पियनसिप छनोट अन्तर्गत नेपालले कतारविरुद्ध खेल्ने नेपाली टोलीको सुरुवाती-११ को घोषणा गरेको छ ।

मुख्य प्रशिक्षक बाल गोपाल महर्जनले मिडफिल्डमा एक खेलाडी परिवर्तन गर्दै सुरुवाती-११ को घोषणा गरेको हो ।

नेपाली टोलीको मिडफिल्डमा हेमन्त थापा मगरको स्थानमा नितिन थापाले मौका पाएका छन् । हेमन्त घाइते रहेको कारण नितिनले मौका पाएका हुन् ।

अन्य खेलाडी परिवर्तन गरिएको छैन । नेपाली टोलीको अग्र पंक्ति कप्तान बिमल घर्ति मगर र अन्जन बिष्टले सम्हाल्नेछन् ।

नेपाल र कतारबीचको खेल दोहास्थित स्पोर्टस सिटी सेन्टरको मैदानमा बेलुका ९:४५ बजे सुरु हुनेछ ।

पहिलो खेलमा नेपाल ओमानसंग १-० ले पराजित भएको थियो ।

नेपाली टोलीको प्लेईङ सेट -

गोलकिपर : अर्पण कार्की

डिफेन्डर : सुमन अर्याल, अनन्त तामाङ, दिनेश राजवंशी,कमल श्रेष्ठ

मिडफिल्डर : सुनिल बल, नितिन थापा, गौरव बुढाथोकी, तेज तामाङ

फरवार्ड : बिमल घर्ति मगर, अन्जन बिष्ट

प्रतिक्रिया दिनुहोस्