एजेन्सी । पाँच पटकको विश्व च्याम्पियन ब्राजिल मैत्रिपुर्ण खेलमा पानामासंग बराबरीमा रोकिएको छ । शनिबार राति भएको खेलमा ब्राजिलले विश्व वरियताको ७६ औ स्थानमा रहेको पानामासंग १–१ गोलको बराबरी खेलेको हो ।
ब्राजिलले सुरुवातमा प्रिमियर लिगका खेलाडी इडरसन, रोबर्टो फिर्मिन्हो र रिचर्डलिसनलाई मैदानमा उतारेको थियो । तर ईटालियन क्लब एसी मिलानबाट खेल्ने लुकास पाक्युटाको गोलबाट ब्राजिलले सुरुवाती अग्रता बनायो । उनले खेलेको ३२ औ मिनेटमा ब्राजिललाई अग्रता दिलाए ।
विश्व वरियताको तेस्रो स्थानमा रहेको ब्राजिलल लगत्तै गोल खान पुग्यो । ३६ औ मिनेटमा पानामा अडोल्फो माछाडोले गोल गर्दै खेल बराबरीमा ल्याएका थिए ।
दोस्रो हाफमा ब्राजिलका लागि रिचार्डलिसन र क्यासमिरोले दुई राम्रा अवसर सिर्जना गरेपनि सफल हुन सकेन ।
दोस्रो हाफमा प्रिमियर लिग क्लब म्यान्चेष्टर सिटीका ग्याब्रियल जिसस र वेस्ट ह्यामका विङ्गर फिलिप एन्डरसन मैदान आएका थिए । तर उनीहरु मैदानमा निष्प्रभावी देखिए । मैत्रिपुर्ण खेल पोर्चुगलको पोर्टोमा भएको थियो ।
-1734919437.jpg)
-1734918317.jpg)
