एजेन्सी । घरेलु टोली दक्षिण अफ्रीकाले एक खेल अगाबै श्रीलंकाविरुद्धको तीन खेलको टी-ट्वान्टी सिरिज जितेको छ ।
शुक्रबार भएको दोस्रो खेलमा श्रीलंकालाई १६ रनले हराउँदै दक्षिण अफ्रीकाले सिरिज २-१ ले जितेको हो ।
सेञ्चुरियनमा दक्षिण अफ्रीकाले दिएको १८१ रनको लक्ष्य पछ्याएको श्रीलंकाले पुरै २० ओभरमा ९ विकेट गुमाएर १६४ रन मात्र बनाउन सक्यो ।
श्रीलंकाका लागि इसुरु उडानाले अविजित ८४ रन जोडेपनि टोलीलाई हारबाट जोगाउन सकेनन् । यस्तै उसका लागि थिसरा परेराले २२ तथा निरोशन डिक्वेलाले २० रन बनाए । दक्षिण अफ्रीकाका क्रिस मोरिसले ३ तथा डेल स्टेन र ताब्रेज शाम्सीले समान २/२ विकेट लिए ।
यस अघि टस हारेर पहिले ब्याटिङ गरेको दक्षिण अफ्रीकाले २० ओभरमा ३ विकेट गुमाएर १८० रन जोडेको थियो । दक्षिण अफ्रीकाका लागि रिजा हेन्ड्रिक्सले ६५ तथा भान डेर डुसेनले ६४ रनको अर्धशतकीय इनिङ्स खेले । कप्तान जेपी डुमिनी ३३ रनमा अविजित रहे ।
श्रीलंकाका लाथिस मलिंगा,इसुरु उडाना र अकिला धनन्जयले समान १/१ विकेट लिए ।
अब दुई टोलीबीचको अन्तिम खेल आइतबार हुनेछ ।
-1735730225.jpeg)
