एजेन्सी । विश्वकप उपविजेता टोली क्रोएसियाले युरोकप छनोटमा विजयी सुरुवात गरेको छ । बिहिबार राति भएको खेलमा क्रोएसियाले अजरबैजानलाई २-१ गोल अन्तरले पराजित गरेको हो ।
घरेलु मैदानमा क्रोएसियालाई जित दिलाउन बोर्ना बारीसिक र आन्द्रेज क्रमारीचले एक एक गोल गरे । अजरबैजानका रामिल सेडेभले एक गोल गरे ।
खेलमा सुरुवाती अग्रता भने अजरबैजानले लिएको थियो । खेलको १९ औं मिनेटमा सेडेभले गोल गर्दै अजरबैजानलाई सुरुवाती अग्रता दिलाएका थिए ।
तर, खेलको ४४ औं मिनेटमा बारीसिकले गोल गर्दै क्रोएसियालाई खेलमा फर्काए । त्यसपछि खेलको ७९ औं मिनेटमा क्रमारीचले गोल गर्दै क्रोएसियालाई २-१ को जित दिलाए ।
जितसंगै समूह 'एफ' को क्रोएसियाले ३ अंक जोडेको छ ।
यसै समूहको अर्को खेलमा स्लोभाकियाले हंगेरीलाई २-० ले हराएको छ ।
