काठमाडौं । भारतको चर्चित टी-ट्वान्टी क्रिकेट लिग इण्डियन प्रिमियर लिग (आईपीएल) को १२ औं संस्करण मार्च २३ बाट सुरु हुँदैछ ।
यस सिजन पनि नेपाली लेग स्पिनर सन्दीप लामिछानेले आईपीएल खेल्ने छन् । सन्दीपले दिल्ली क्यापिटल्सबाट आईपीएल खेल्दैछन् ।
गत बर्ष २० लाख भारुमा अनुबन्ध भएका सन्दीपलाई दिल्लीले यस सिजनको लागि रिटेन गरेको हो।
आईपीएल खेल्न सन्दीप दिल्ली पुगिसकेका छन् । र, सन्दीपले दिल्लीको टोलीबाट अभ्यास खेलमा समेत सामेल भएका छन् ।
सन्दीप टिममा सामेल भएपछि दिल्ली पनि निकै उत्साहित बनेको छ ।
दिल्लीले बिहिबार सन्दीपले अभ्यास खेलमा बलिङ गरिरहेको तस्बिर राखेको छ । र, सन्दीप सर्वाधिक विकेट लिने खेलाडी बन्लान् त भनेर समर्थकलाई प्रश्न गरेको छ ।
नेपालका ग्लोबल आइकन सन्दीपले गत सिजन आईपीएलमा ३ खेलमा ५ विकेट लिएका थिए ।
सन्दीप रहेको दिल्लीले २४ मार्चमा मुम्बईको ईण्डियन्सविरुद्ध खेल्दै प्रतियोगिताको सुरुवात गर्नेछ ।
अभ्यासमा सन्दीपको बलिङ हेर्नुहोस् :
तस्बिर : दिल्लीको फेसबुक
-1735730225.jpeg)
