एजेन्सी । रुसमा जेठ अन्तिम साताबाट हुने फिफा विश्वकप फुटबलको तयारीमा रहेको स्पेनले मैत्रीपूर्ण खेलमा साँघुरो जित निकालेको छ । शनिबार राति भएको खेलमा स्पेनले ट्युनिसियालाई १ - ० गोल अन्तरले पराजित गरेको हो ।
स्पेनलाई जित दिलाउन इयागो अस्पासले निर्णयक गोल गरे । खेल सकिन अन्तिम पाँच मिनेट बाँकी रहदा अस्पासले गोल गरेका थिए ।
जेठ ३१ गतेबाट हुने विश्वकपको तयारीमा रहेका स्पेन र ट्युनिसियाले अन्तिम मैत्रीपूर्ण खेल खेलेको हो । विश्वकपमा स्पेन समूह बि मा रहेको छ भने ट्युनिसिया समूह जी मा रहेको छ ।
