काठमाडौं । नेपाली राष्ट्रिय टोलीका सदस्य सन्दीप लामिछाने इण्डियन प्रिमियर लिग (आईपीएल) को प्लेयर्स टु वाचमा परेका छन् ।
अन्तराष्ट्रिय क्रिकेट परिषद (आईसीसी) ले यस सिजनको लागि सार्वजनिक गरेको आईपीएल प्लेयर्स टु वाचमा सन्दीपलाई राखेको छ ।
आईसीसीले नयाँ सिजनको आईपीएलमा हेर्न लायक युवा खेलाडीमा सन्दीपलाई राखेको हो ।
दिल्ली क्यापिटल्सका सन्दीपले विश्वको धेरै फ्रेन्चचाइज लिगमा उत्कृष्ट प्रदर्शन गरेको आईसीसीले जनाएको छ । डेब्यु सिजनको ३ खेलमा उच्च प्रदर्शन गर्दै सन्दीपले ५ विकेट लिएका थिए ।
सन्दीपसंगै कोलकता नाइट राइडर्सका सवनम गील, रोयल च्यालेन्जर्स बैंगलोरका सिम्रन हिटमायर, किंग्स इलाभेन पन्जाबका साम करन, चेन्नई सुपर किंग्सका लुंगी नेग्दी,मुम्बई इण्डियन्सका मायांक मर्कन्डे , सनराईजर्स हैदरावादका विजय शंकर र राजेस्थान रोयल्सका ओसाने थोमस रहेका छन् ।
१२ औं संस्करणको आईपीएल मार्च २३ बाट सुरु हुँदैछ ।
