इलाम । क्यामरुनी क्लब दाउफिन्स फेमलीले पाँचौ संस्करणको माईभ्याली गोल्डकपको उपाधि जितेको छ ।
मंगलबार भएको फाइनलमा हिमालयन शेर्पा क्लबलाई २-० गोल अन्तरले पराजित गर्दै दाउफिन्सले उपाधि जितेको हो ।
इलामको माईपोखरीमा दाउफिन्सलाई जित दिलाउन यान्निक ओवाना र पेटेङ्गाले एक एक गोल गरे ।
खेलको आठौं मिनेटमा यान्निकले गोल गर्दै दाउफिन्सलाई सुरुवाती अग्रता दिलाएका । त्यसपछि खेलको १९ औं मिनेटमा पेटेङ्गाले हेड गोल गर्दै दाउफिन्सको अग्रता २-० को बनाए ।
दोस्रो हाफमा दुवै टोलीले गोल गर्न सकेनन् र दाउफिन्सले उपाधिमा कब्जा जमायो ।
उपाधिसंगै दाउफिन्सले ७ लाख प्राप्त गरेको छ । उपविजेता बनेको शेर्पाले ४ लाखमा चित्त बुझायो ।
-1734879364.jpg)
