काठमाडौं । खालीबारी युवा क्लब सहिद स्मारक 'सी' डिभिजन लिग फुटबलको सुपर लिगमा प्रवेश गरेको छ ।
सोमबार भएको खेलमा बिरगंज युथ क्लबलाई १-० गोल अन्तरले पराजित गर्दै खालीबारीले सुपर लिगमा स्थान पक्का गरेको हो ।
एन्फा कम्प्लेक्स सातदोबाटोमा खालीबारीलाई जित दिलाउन संजय कुमार राना मगरले निर्णायक गोल गरे । उनले खेलको १२ औं मिनेटमा गोल गरेका थिए।
यो जितसंगै खालीबारीले समूह 'बी' बाट सुपर लिगमा पुगेको हो । खालीबारीले लिगमा अपराजित रहदै १० अंक जोड्यो ।
पहिलो खेल बराबरी खेलेको खालीबारीले पछिल्ला तीन खेलमा लगातार जित निकाल्यो ।
शीर्ष ४ टोलीबीच हुने सुपर लिग खेलपछि सर्वाधिक अंक ल्याउने टोलीले उपाधि जित्नेछ ।
यस पटक 'सी' डिभिजन लिगमा घटुवा र बढुवा हुने छैन् ।
-1734918317.jpg)
