एजेन्सी । इटालियन सिरी 'ए' फुटबलमा इन्टर मिलानले एसी मिलानलाई पराजित गरेको छ । आइतबार राति भएको मिलान डर्बी भिडन्तमा इन्टरले एसी मिलानलाई ३-२ गोल अन्तरले पराजित गरेको हो ।
एसीको घरेलु मैदानमा इन्टरलाई जित दिलाउन माटीयास भेसिनो,स्टेफान डी भीर्ज र लौटारो मार्टिनेजले एक एक गोल गरे । घरेलु टोलीका बाकायोको र माटियो मुसाचीयोले एक एक गोल फर्काए ।
जितसंगै इन्टर लिगको तेस्रो स्थानमा उक्लिएको छ । इन्टरले २८ खेलबाट ५३ जोडेको छ । एसी मिलान ५१ अंकसहित चौथो स्थानमा छ ।
लिगको शीर्ष स्थानमा युभेन्ट्स र दोस्रो स्थानमा नेपोली रहेको छ ।
-1734879364.jpg)
-1734875597.jpg)
