एजेन्सी । लिभरपुल इन्ग्लिश प्रिमियर लिग फुटबलको शीर्ष स्थानमा उक्लिएको छ । आइतबार भएको खेलमा फुलहमलाई २-१ गोल अन्तरले पराजित गर्दै लिभरपुल शीर्ष स्थानमा उक्लिएको हो ।
फुलहमको मैदानमा लिभरपुललाई जित दिलाउन साडियो माने र जेम्स मिल्नरले एक एक गोल गरे । फुलहमका रायन बाबेलले एक गोल फर्काए ।
खेलको २६ औं मिनेटमा मानेले गोल गर्दै लिभरपुललाई सुरुवाती अग्रता दिलाए । खेलको ७४ औं मिनेटमा फुलहमका बाबेलले गोल गर्दै खेल १-१ को बराबरीमा ल्याए ।
तर, खेलको ८१ औं मिनेटमा मिल्नरले पेनाल्टीमा गोल गर्दै लिभरपुललाई २-१ को जित दिलाए ।
जितसंगै शीर्ष स्थानमा उक्लिएको लिभरपुलले ३१ खेलबाट ७६ अंक जोडेको छ । र, लिभरपुलले म्यानचेस्टर सिटिलाई २ अंकले पछि बनाएको छ ।
दोस्रो स्था नको सिटिको ७४ अंक छ । पराजित फुलहम १७ अंक जोडेर १९ औं स्थानमा रहेको छ ।
-1734879364.jpg)
-1734875597.jpg)
