एजेन्सी । वायन रुनी ह्याट्रिक गरेपछि मेजर लिग सकरमा डीसी युनाईटेडले फराकिलो जित निकालेको छ ।
आइतबार भएको खेलमा डीसीले ९ खेलाडीमा सिमित रियल साल्ट लेकलाई ५-० गोल अन्तरले पराजित गरेको हो ।
घरेलु मैदानमा डीसीका लागि थप गोल लुकास रोड्रिगेज र उलिसेस सेगुराले गोल गरे ।
खेलको ३४ औं मिनेटमा रुनीले पेनाल्टीमा गोल गर्दै डीसीलाई अग्रता दिलाएका थिए । ४१ औं मिनेटमा रुनीले व्यक्तिगत दोस्रो गोल गर्दै टोलीको अग्रता २-० को बनाए ।
खेलको ४५ औं मिनेटमा जेफर्सनले रातो कार्ड पाउँदा रियल १० खेलाडीमा समेटियो ।
पहिलो हाफमा २-० को अग्रता बनाएको डीसीले दोस्रो हाफमा थप ३ गोल गर्यो । खेलको ६५ औं मिनेटमा रुनीले गोल गर्दै ह्याट्रिक पुरा गरे ।
खेलको ६७ औं मिनेटमा मार्सेलो सिल्भाले रातो कार्ड पाउँदा रियल ९ खेलाडीमा समेटियो । जसको फाइदा डीसीले उठायो ।
त्यसपछि खेलको ६७ औं मिनेटमा रोड्रिगेज र ८० औं मिनेटमा सेगुराले गोल गर्दै डीसीलाई ५-० को जित दिलाए ।
जितसंगै ३ खेलबाट २ जितसहित ७ जोडेको छ ।
-1734879364.jpg)
-1734875597.jpg)
