विराटनगर । साफ च्याम्पियनसिप फुटबलमा समुह चरणको अन्तिम खेलमा आज (आईतबार) भारत र श्रीलंका भिड्दै छन् । सहिद रंगशालामा उत्रदै गर्दा भारत र श्रीलंका सहज जित सहित समुह विजेता बन्ने दौडमा हुनेछन् ।
खेल दिउँसो ३ बजे सुरु हुनेछ ।
समुहको पहिलो खेलमा दुवै टोलीले माल्दिभ्सविरुद्व सहज नतिजा निकालेका थिए । भारतले माल्दिभ्सलाई ६–० ले हराएको थियो । श्रीलंकाले माल्दिभ्सलाई २–० ले पराजित गरेको थियो ।
समुह बीको उपविजेता टोलीले सेमिफाईनलमा नेपालसंग प्रतिस्पर्धा गर्नेछ । विजेता टोलीले फाईनल प्रवेशका लागि बंगलादेशसंग खेल्नुपर्नेछ ।
पाँचौ पटक साफ च्याम्पियनसिप जित्ने सहित नेपाल आएको भारतीय टिम सहज जित सहित सेमिफाईनल यात्रा तय गर्न चाहन्छ । श्रीलंका भने अप्रत्यासित नतिजा सहित सेमिफाईनलमा बलियो प्रतिद्वन्दी नेपालसंगको भिडन्त टार्न चाहन्छ ।
समुह बीमा भारत र श्रीलंकाको समान ३ अंक छ । दुवै खेलमा पराजित माल्दिभ्स प्रतियोगिताबाट बाहिरिसकेको छ ।
-1734879364.jpg)
-1734875597.jpg)
