एजेन्सी । फुटबल एजेण्ट जोनाथन बर्नेटले फरवार्ड ग्यारेथ बेलको रियल मड्रिड छाड्ने चाहना नभएको बताएका छन् ।
पछिल्लो समय बेल रियलमा खुसी नरहेको र क्लब छाड्ने हल्ला चलेको थियो । तर, बेलका एजेण्ट समेत रहेका बर्नेटले बेलले क्लब छाड्ने कुनै योजना नबनाएको बताएका छन् ।
एजेण्ट बर्नेटले बेलले आफ्नो फुटबल करियर रियलबाटै अन्त्य गर्न चाहेको बताए ।
‘उनी जीवनभर रियल मड्रिडबाट खेल्न चाहन्छन्,' एजेण्ट बर्नेटले भने ।
बर्नेटले मिडियाले बेलबारे गलत समाचार लेखेको समेत बताए । उनले बेलले क्लबको भविष्यबारे प्रशिक्षक जिनेदान जिदानसंग कुरा गर्ने समेत बताए ।
'बेलले जिदानसंग कुरा गर्नेछन्,' एजेण्ट बेर्नेटले थपे,'त्यसपछि सिजनको अन्तिमसम्म के हेर्नेछौं ।'
जिदान १० महिनापछि यसै साता पुन: रियल मड्रिडको प्रशिक्षक बनेका छन् ।
यस्तै बेर्नेटले बेलले खेल्ने चाहेको पोजिसन र जिदानले खेलाउने पोजिसन नमिल्दा दुईबीच खटपट भएको बताए ।
-1734879364.jpg)
-1734875597.jpg)
