काठमाडौं । नेपाली लेग स्पिनर सन्दीप लामिछानेले गत सिजनको इण्डियन प्रिमियर लिग (आईपीएल) क्रिकेटमा डेब्यु गरे ।
दिल्ली डेयरडेभिल्सबाट आईपीएल क्रिकेटमा डेब्यु गरेका सन्दीपले १४ खेलमध्ये ३ खेल मात्र खेल्न पाए । तर, जति खेल खेल्न पाए सबै खेलमा कमाल गरे । ३ खेलमा प्रभावशाली प्रदर्शन गर्दै ५ विकेट लिए ।
आईपीएलबाट विश्वको फेन्चाइज टी-ट्वान्टी क्रिकेट लिगको ढोका खोलेका सन्दीप १० महिना भित्र ग्लोबल स्टार बनिसकेका छन् । सन्दीपले ठुला ठुला फेन्चाइज लिग खेलिसकेका छन् । सन्दीपले टी-ट्वान्टी क्रिकेट लिगका लागि विश्वमा एक फन्को लगाईसकेका छन् ।
सन्दीप नेपालकै सर्वाधिक सफल खेलाडी समेत बनिसकेका छन् । यस्तै विश्वका फेन्चाइज टी-ट्वान्टी लिग खेल्ने पहिलो नेपाली खेलाडी समेत हुन् ।
सन्दीप सिजनको आईपीएल खेल्न आगामी साता दिल्ली जाँदै छन् । दिल्लीले सन्दीपलाई यस सिजनको लागि रिटेन गरिसकेको छ ।
दिल्ली क्यापिटल्स टिम कस्तो ?
गत सिजन अंक तालिकाको पुछारमा रहेको दिल्ली डेयरडेभिल्सले यो सिजनमा धेरै परिवर्तन गरेको छ । दिल्लीले नाम परिवर्तन गरेर दिल्ली क्यापिटल्स बनाएको छ । उसले नाम मात्र हैन एक हिसाबले टिम नै बदलेको छ ।
आईपीएलको पहिलो २ संस्करणमा सेमिफाइनलको यात्रा तय गरेपनि दिल्लीले हालसम्म फाइनल यात्रा तय गर्न सकेको छैन् । त्यसैले आईपीएलको इतिहास हेर्दा दिल्ली एक असफल टिम देखिन्छ । दिल्लीले सन् २०१० को सिजन ४ पटक अंक तालिकाको पुछारमा रहेर प्रतियोगिता सकाएको छ । त्यसबीचमा दिल्लीले एक पटक मात्र प्ले अफमा स्थान बनाएको छ ।
अघिल्लो सिजन दिल्लीले टिम बलियो बनाउन कोलकाताबाट गौतम गम्भीरलाई अनुबन्ध गर्दै कप्तानीको जिम्मेवारी दिएको थियो । पहिलो खेलमा अर्धशतकीय इनिङ्स खेलेका गौतमले त्यसपछिका खेल खेल्न नसक्दा कप्तानी पद त्याग्नु परेको थियो । यस्तै गौतम धेरै खेलमा पेभेलियनमै बस्नु परेको थियो ।
गौतमको स्थानमा दिल्लीले श्रेएस आयरलाई कप्तानी दिएको थियो । जसमा उनी केहि सफल भएका थिए ।
दिल्ली यस सिजन पनि खेलाडीमा निकै हेरफेर गरेको छ । र, आफुलाई उपाधिको दाबेदारको रुपमा उभ्याएको छ । दिल्लीले शिखर धवन, अक्षर पटेल जस्ता खेलाडीलाई भित्र्याउँदा ग्लेन म्याक्सवेल जस्ता खेलाडीलाई छाडेको छ ।
बलियो पक्ष :
पृथ्वी श, ऋषब पन्त , श्रेएस आयर जस्ता भारतीय टोलीमा प्रभाव पार्न सफल युवा खेलाडी रहेका दिल्लीमा धवन र पटेल जस्ता अनुभवी खेलाडीको आगमनसंगै ब्याटिङ बलियो देखिएको छ ।
विदेशी खेलाडीका रुपमा कोलिन मुन्रो, कोलिन इन्ग्राम, कागीसो राबडा, ट्रेन्ट बोल्ट, क्रिस मोरिस जस्ता खेलाडीले गर्दा टिम सन्तुलन देखिएको छ । यस्तै टी-ट्वान्टी लिगमा उत्कृष्ट प्रदर्शन गर्दै आएका नेपाली लेग स्पिनर सन्दीपले पनि दिल्लीलाई बलिङमा ठुलै योगदान दिन सक्ने छन् ।
कमजोर पक्ष :
सबै खेलाडीको तालमेल बनाउन नसक्नु दिल्लीको प्रमुख कमजोरी देखिंदै आएको छ । दिल्लीका स्पिनरहरु हाबी हुन् नसक्नु पनि एक कारण हो । आईपीएलमा सर्वाधिक विकेट लिने खेलाडीको दोस्रो स्थानमा रहेका अमित मिश्रा जस्तो अनुभवी स्पिनरले दिल्लीका लागि खासै योगदान दिन सकेका छैनन् । अक्षर पटेलले पछिल्लो सिजना खस्कदो प्रदर्शन गरिरहेको छ ।
दिल्लीको प्रशिक्षक : रिक्की पोन्टीङ
दिल्लीको मालिक : जीएमआर ग्रुप र द जे एसडब्लु ग्रुपको संयुक्त लगानी
दिल्लीको टिम : श्रेएस आयर (कप्तान),पृथ्वी श, ऋषब पन्त, शिखर धवन, अमित मिश्रा, अवेश खान, हर्षल पटेल, राहुल टेवाटी , मनजोट काल्रा, कोलिन मुन्रो, कागीसो राबाडा, सन्दीप लामिछाने, ट्रेन्ट बोल्ट, कलिन इन्ग्राम, अक्षर पटेल, हनुमा विहारी, शेरफेन रदरफोर्ड, इशान्त शर्मा , केमो पल, जालज सक्सेना, अंकुस बेस, नथु सिंह, बन्दारो आइयप्पा
पहिलो चरणको खेल तालिका :
पहिलो खेल : मुम्बई इण्डियन्सविरुद्ध - मार्च २४, मुम्बई
दोश्रो खेल : चेन्नाइ सुपर किंग्सविरुद्ध - मार्च २६, दिल्ली
तेश्रो खेल : कोलकाता नाइट्स राइडर्सविरुद्ध - मार्च ३०, दिल्ली
चौथो खेल : किंग्स इलाभेन पन्जाबविरुद्ध - अप्रिल १, मोहाली
पाँचौ खेल : सनराइजर्स हैदराबादविरुद्ध - अप्रिल ४, दिल्ली
-(1)-1736156467.jpeg)
-1736152112.jpg)
