एजेन्सी । इन्ग्लिश क्लब आर्सनल युरोपा लिग फुटबलको क्वाटरफाइनलमा प्रवेश गरेको छ ।
बिहिबार राति भएको अन्तिम १६ को दोस्रो लेगमा फ्रेन्च क्लब रेनेसलाई ३-० ले हराउँदै समग्रमा ४-३ को जितसहित अन्तिम आठको यात्रा तय गरेको हो ।
घरेलु मैदानमा आर्सनललाइ जित दिलाउन पेरिक एम्रिक आबुमियाङ नायक बन्दै दुई गोल गरे । यस्तै मिटल्याण्ड निल्सले एक गोल गरे ।
खेलको पाँचौ मिनेटमा आबुमियाङले गोल गर्दै घरेलु टोलीलाई अग्रता दिलाए । खेलको १५ औं मिनेटमा निल्सले गोल गर्दै आर्सनलको अग्रता २-० को बनाए ।
त्यसपछि खेलको ७२ औं मिनेटमा आबुमियाङ व्यक्तिगत दोस्रो गोल गर्दै आर्सनललाई ३-० को जित दिलाए ।
यसअघि पहिलो लेगमा आर्सनल ३-१ ले पराजित भएको थियो । तर, दोस्रो लेगमा आर्सनलले पुनरागमन गर्दै क्वाटरफाइनलको यात्रा तय गर्न सफल भयो ।
-1734879364.jpg)
-1734875597.jpg)
