इलाम । डिफेन्डिङ च्याम्पियन रुस्लान थ्रीस्टार क्लब इलाममा जारी माइभ्याली गोल्डकपको क्वार्टरफाइलन खेलमा पराजित भएको छ । बुधबार भएको खेलमा हिमालयन शेर्पा क्लबले थ्री स्टारलाई ३–१ गोल अन्तरले पराजित गरेको हो ।
कप्तान अनिल गुरुङको सुरुवाती अग्रतालाई जोगाउन नसक्दा थ्री स्टार क्वार्टरफाईनलबाटै बाहिरिन बाध्य भयो ।
हिमालयन शेर्पाकालागि बिजय श्रेष्ठले बराबरी गोल फर्काएका थिए । ६८ औ मिनेटमा त्रिवेद गुरुङले शेर्पा क्लबलाई २–१ को अग्रता दिलाए ।
७३ औ मिनेटमा थ्री स्टारको डिफेन्स लाईनलाई छलाउँदै सुनिल खड्काले ३–१ को जित दिलाउन सफल भए ।
हङकङको नेप्लिज फुटबल एकेडेमीलाई ५–१ गोल अन्तरले हराउँदै शेर्पा क्लब क्वार्टरफाइनल पुगको थियो ।
प्रतियोगिता अन्र्तगत भोली (बिहिबार) क्यामरुनी क्लब दाफिन्सले विभागीय टिम एपीएफको सामना गर्नेछ ।
